Прэзідэнт пра тэму перамоў з Пуціным: Галоўнае - эканоміка

Дэталёва пра парадак дня будучых перамоў сёння распавёў наш Прэзідэнт. У Палацы Незалежнасці адбылася вялікая нарада па пытаннях супрацоўніцтва дзвюх краін. Гэта рэвізія цяперашніх і будучых праектаў, што сугучна галоўнай тэме сустрэчы Аляксандра Лукашэнкі і Уладзіміра Пуціна - ёй стане эканоміка.

Дальнабачны крок - 28 саюзных праграм і пакет антыкрызісных мер, своечасова прыняты пасля ўвядзення санкцый, - знізілі негатыўны эфект. Далей для тэхналагічнага суверэнітэту краіны маюць намер рэалізаваць больш за дзясятак праектаў па лініі імпартазамяшчэння. Пад гэтыя мэты (а гэта праекты ў машынабудаванні і мікраэлектроніцы) Расія выдзеліць крэдыт у 105 мільярдаў расійскіх рублёў. Але, як ужо заяўляў Аляксандр Лукашэнка, гэтыя праекты больш патрэбныя і выгадныя самой Расіі. Пасля сыходу кампаній з яе рынку наша краіна стала апорай у плане неабходных кампетэнцый. Расіяне сапраўды даведаліся, на што здольная Беларусь.

Сёння падчас нарады прагучалі не толькі далейшыя планы па паглыбленні эканамічнай інтэграцыі, але і важныя палітычныя заявы ў процівагу самым хадавым інсінуацыям, якія зараз актыўна распаўсюджваюць апаненты ў надзеі прынізіць дасягненні дзвюх краін. Аб усім па парадку Ілона Красуцкая (відэа).