Прэзідэнт наведаў 38-ю Брэсцкую дэсантна-штурмавую брыгаду

Адданыя традыцыям і гатовыя заўсёды абараняць мір і бяспеку. Прэзідэнт наведаў 38-ю дэсантна-штурмавую брыгаду ў Брэсце.

Візіт у горад над Бугам быў бы няпоўным без сустрэчы з тымі, хто стаіць на варце гэтых галоўных каштоўнасцяў. Сёння гэта эліта Узброеных Сіл нашай краіны. Дарэчы, байцы гэтай брыгады раніцай таксама прымалі ўдзел у цырымоніі ў цытадэлі (пра яе мы раскажам крыху пазней). Мабільнасць, цягавітасць, гатовасць да выканання любых задач - усё гэта пра 38-ю дэсантна-штурмавую. Невыпадкова дэвіз дэсантнікаў гучыць проста: "Ніхто акрамя нас!"

Аляксандру Лукашэнку прадэманстравалі ўзбраенне, якое мае брыгада. Якраз у гэты час ішлі трэніроўкі вайскоўцаў на паласе перашкод і спецыяльнай паветрана-дэсантнай платформе. Адпрацоўка скачкоў з парашутам на зямлі, перадскачковыя трэніроўкі, інструктаж - падрыхтоўка ідзе бесперапынна. Нездарма гавораць: каб адчуць сябе арлом у паветры, перш трэба добра папацець на зямлі. Уладкаваны і побыт вайскоўцаў - ад спартыўнай і трэнажорнай залаў да казармаў. Адну з іх якраз абнавілі - капітальна адрамантавалі.

У цэлым апошні час прыняты шэраг мер, накіраваных на павышэнне прэстыжу ваеннай службы. Ідзе пераўзбраенне. Ёсць сацыяльныя гарантыі для тых, хто прайшоў тэрміновую падрыхтоўку.

На сустрэчы з афіцэрскім складам у Брэсце адбылася адкрытая размова на надзённыя тэмы. Ад асаблівасцяў новай ваеннай дактрыны і сучасных канфліктаў на планеце, пераўзбраення нацыянальнай арміі да падзей, якія сёння адбываюцца ў краіне. Асобна аб прэстыжы ваеннай службыі пераўзбраенні нацыянальнай арміі

У гэтыя хвіліны ідзе размова з актывам Брэсцкай вобласці. Прэзідэнт, як і абяцаў, мае намер наведаць усе рэгіёны краіны. І гэта ўжо трэцяя сустрэча на выездзе. Хоць праходзіць размова за зачыненымі для журналістаў дзвярамі, па вопыце ведаем, што абмяркоўваюцца на такіх мерапрыемствах глабальныя пытанні нашага жыцця.

Падрабязнасці ў праграме "Панарама" ў 21:00.