Прэзідэнт сустрэўся з актыўнай беларускай моладдзю

Рух, які ўвасобіў мару шматлікіх маладых людзей і дапамог знайсці свой шлях. Камсамолу 100 гадоў. Сёння з прадаўжальнікамі традыцый - актыўнай беларускай моладдзю - сустрэўся Прэзідэнт. Каля 400 маладых людзей запрасілі ў Палац Незалежнасці. Гэта юнакі і дзяўчаты, якія з’яўляюцца членамі Саюза моладзі і вылучаюцца сваёй актыўнай жыццёвай пазіцыяй. У зале прысутнічалі і тыя, хто нямала зрабіў для станаўлення беларускага камсамола. Дарэчы, свой камсамольскі білет на сустрэчу захапіў і Прэзідэнт.

За ўсю гісторыю арганізацыі школу УЛКСМ прайшлі каля 200 мільёнаў чалавек. Яны ішлі на фронт Вялікай Айчыннай добраахвотнікамі, адраджалі вялікую краіну, узворвалі цаліну, будавалі Байкала-Амурскую магістраль. Моладзевымі будоўлямі былі і знакавыя беларускія аб'екты: мінскі аэрапорт, метрапалітэн, нафтазавод у Наваполацку. А ўжо сёння маладыя людзі дапамагаюць на ўзвядзенні БелАЭС і іншых аб'ектах. УЛКСМ - не проста абрэвіятура з гісторыі. Паняцці сяброўства, адзінства, любові да Радзімы і веры ў будучыню не страчваюць сваёй актуальнасці і сёння.

Размова з моладдзю атрымалася шчырай - абмяркоўвалі самыя розныя тэмы. Сярод іх глабальныя пытанні - стаўленне да дзяржсімволікі, будучыня моладзевай арганізацыі ў нашай краіне. Гаварылі і пра тое, хто і навошта спрабуе завалодаць розумамі падрастаючага пакалення сёння. У гутарцы з моладдзю Аляксандр Лукашэнка назваў сферы, якія стануць пунктамі росту для краіны - гэта касмічная галіна, IT, ядзерная энергетыка. Абмяркоўвалі і жыццёвыя тэмы. Сваімі ідэямі аб сямейным парку, пляцоўках для заняткаў вулічным спортам з Кіраўніком дзяржавы падзяліліся актывісты БРСМ. Атмасфера гэтага дня ў рэпартажы Ілоны Красуцкай.

Палац Незалежнасці сёння апынуўся пад уладай маладога пакалення. У дзень юбілею, 100-годдзя камсамола, тут сучасныя прадаўжальнікі традыцый - удзельнікі Беларускага рэспубліканскага саюза моладзі. Усе шмат чулі, з якой сардэчнасцю Кіраўнік дзяржавы прымае пакаленне next. Нядаўняя сустрэча ў Гродне таму лепшае пацвярджэнне. Але душэўнасць такіх мерапрыемстваў, напэўна, наўрад ці поўнасцю можа перадаць тэлетрансляцыя або рэпартаж. Усё ж трэба прысутнічаць. Бо ёсць жа меркаванне: пра любую падзею за сябе гаворыць атмасфера, але і, вядома, самае галоўнае - людзі, якія і ствараюць тую самую правільную атмасферу.

У Палац Незалежнасці запрасілі каля 400 чалавек: гэта актыў і работнікі Беларускага рэспубліканскага саюза моладзі, пераможцы і ўдзельнікі конкурсаў, праектаў і праграм БРСМ. Такія дыскусіі - магчымасць шчыра, адкрыта пагаварыць не толькі пра будучыню арганізацыі, але і любыя пытанні ў маштабах цэлай краіны. Можна ўсё, бо галоўны мадэратар сустрэчы - Прэзідэнт - не абмяжоўвае ні па фармаце, ні хронаметражы.

Камсамол і першыя асацыяцыі, шчырая вера ў высокія ідэалы, эпоха студатрадаўскай рамантыкі. Школу УЛКСМ за ўсю гісторыю існавання прайшлі каля 200 мільёнаў чалавек. Вядома, у зале большасць тых, хто ведае аб гэтым перыядзе толькі з падручнікаў гісторыі і ўспамінаў родных. Але менавіта гэтым маладым людзям пісаць новую гісторыю. У свой час крытыкавалі камсамол, праз стагоддзе розныя водгукі гучаць і ў адрас прататыпнай арганізацыі. Як рэагаваць і ў "шуме меркаванняў" не перакрэсліць усё тое, што зроблена. Гэтая тэма дала старт вялікаму дыялогу. 

Эпоха глабалізацыі, інфармацыйных войнаў, навязванне ўяўных каштоўнасцяў і пагоня за матэрыяльным - ва ўсім гэтым кругавароце маладому чалавеку без вопыту цяжка вызначыць, хто мае рацыю, і выбраць свой шлях. Як не памыліцца - прыняць правільнае рашэнне ў жыцці - такі даверны дыялог з Прэзідэнтам адразу ў некалькіх ролях: як з вопытным палітыкам і былым камсамольцам, што прайшоў добрую школу жыцця. Падстава разам абмеркаваць, у якім напрамку далей рухацца саюзу маладых незалежнай Беларусі.

І хаця з моманту заснавання камсамола прайшло 100 гадоў, паняцці сяброўства, адзінства, любові да Радзімы і веры ў будучыню не страчваюць сваёй актуальнасці. І нават сёння ў свеце скептыкаў і цынікаў, канфліктаў і войнаў. Па прыклад далёка хадзіць не трэба. Трагічныя падзеі разгортваюцца прама ля межаў Беларусі. Палац Незалежнасці - перагаворная пляцоўка, і краіна як ініцыятар дамоўленасцяў заўсёды прапаноўвае мірны дыялог.

Усесаюзныя будоўлі, цаліна, БАМ. Камсамольцы адраджалі тады вялікую краіну, ішлі на фронт добраахвотнікамі падчас Вялікай Айчыннай вайны, а пазней удзельнічалі ў будаўніцтве Мінскага аўтамабільнага і трактарнага заводаў, Салігорскага калійнага камбіната і іншых знакавых прамысловы аб'ектаў Беларусі. Камсамол заўсёды быў кузняй кадраў ва ўсіх сферах дзяржкіравання.

У шэрагах Беларускага рэспубліканскага саюза моладзі 400 тысяч актывістаў. І вынікі ў цяперашняга маладога пакалення беларусаў ужо ёсць. Дзясяткі будатрадаўскіх аб'ектаў, праекты "100 ідэй для Беларусі" і "Добрае сэрца валанцёраў". Іх працу цэняць не толькі на радзіме. Удзельнікі беларускіх студатрадаў пажаданыя госці за мяжой. Набываюць вопыт, прафесійныя навыкі і, вядома, заводзяць новыя знаёмствы.

На радзіме гэтым летам юнакі і дзяўчаты працавалі не ў адзіночку, аб'ядналі намаганні з расіянамі. Разам працавалі ў Астраўцы. За якасць інфраструктурных работ у сталіцы мірнага атама яны ручаюцца.

Яны паспелі не толькі атрымаць неацэнны вопыт, зарабіць грошы і адпачыць. Знайшлося месца і добрым справам. 1 400 добраахвотніцкіх атрадаў аб'ядналі амаль 50 тысяч маладых людзей. Яны заўсёды гатовыя адрамантаваць дзіцячую пляцоўку ці абуладкаваць парк. Занятыя і на добраўпарадкаванні памятных мясцін Беларусі і замежжа. Безумоўна, у першую чаргу варта рабіць тое, што добра атрымліваецца. Але Кіраўнік дзяржавы чакае і іншых ініцыятыў, пры гэтым паабяцаў падтрымку.

Вось так лагічна размова перайшла да тых самых прапаноў. Прэзідэнт адразу ўдакладняе: гэта не прэс-канферэнцыя. Толькі рэальныя ініцыятывы, прычым не толькі ў кантэксце арганізацыі. Адным з першых да гутаркі падключаецца Аляксандр Бурда, актывіст Акадэміі кіравання. Перад пачаткам мерапрыемства ў яго і іншых хлопцаў быў час прайсціся па гістарычных калідорах Палаца Незалежнасці. Дарэчы, будаўніцтва сімвала беларускай дзяржаўнасці праходзіла пры ўдзеле студатрадаў БРСМ. Знакавы аб'ект за 5 гадоў стаў неад'емнай часткай вялікай палітыкі. Хлопцы прапаноўваюць новы статус.

Цяжка ўявіць, але гэтая далікатная дзяўчына разам з мужам пакарыла Эльбрус і Кіліманджара. Сваё ўзыходжанне Анастасія Лапко, пераможніца рэспубліканскага конкурсу "100 ідэй для Беларусі", у прамым сэнсе адзначыла на карце - узняла на вяршынях дзяржаўны флаг Беларусі. Менавіта там і ўзнікла ідэя папулярызацыі нацыянальнай сімволікі.

Некалькі гадоў таму на з'ездзе БРСМ Кіраўнік дзяржавы падтрымаў ідэю стварэння першага ў краіне Моладзевага патрыятычнага цэнтра.

Зараз інтэрактыўная пляцоўка аб'ядноўвае па інтарэсах не толькі падлеткаў, але і дарослых (членаў пошукавых атрадаў, рэканструктараў) - людзей, якія цікавяцца мінулым. А месца для вывучэння (побач Брэсцкая крэпасць-герой) прыдатнае. Да вайны тут размяшчаўся штаб 125-га стралковага палка. Будынак з амаль векавой гісторыяй адрэстаўравалі, максімальна захаваўшы дух унікальнай мясціны.

Актывісты запрасілі Прэзідэнта ў Брэст - паглядзець цэнтр, тым больш такая нагода!

А вось лідара студатрада "Эўрыка" Яраслава Гарадавога так уразіў тэзіс Прэзідэнта аб ініцыятывах, што малады чалавек вырашыў спытацца напрамую, працу на якім аб'екце Кіраўнік дзяржавы можа даручыць актывістам.

Вольга Шыбко галоўная па моладзевай палітыцы ў Мінскай вобласці. Штогод у рэгіёне праводзіць форум сельскай моладзі. Маладыя працаўнікі абмяркоўваюць перадавыя тэхналогіі, вывучаюць вопыт іншых абласцей. Але пара маштабіравацца!

Нядаўнія рэгіянальныя форумы спачатку ў Магілёве, а затым у Гомелі сапраўды змянілі абласныя цэнтры. Ды і ў многіх турыстычных рэйтынгах (асабліва апошнім часам) у топе Мінск, у тым ліку і па чысціні. Ёсць і будзе што паказаць гасцям і ўдзельнікам II Еўрапейскіх гульняў. Краіна актыўна мяняецца. Свой уклад хочуць унесці і актывісты.

Аляксандр Сергіенка прыйшоў на сустрэчу да Прэзідэнта з чарцяжамі. Яго праект па здаровым ладзе жыцця ўжо падтрымалі знакамітыя спартсмены, у тым ліку Герой Беларусі Дар'я Домрачава. Актывісты стварылі ў Мінску 9 пляцовак для заняткаў варкаўтам. Хочуць распаўсюджваць здаровы лад жыцця ў рэгіёнах.

Бадай, самай юнай удзельніцай дыскусіі стала Аляксандра Ванеева. 11-гадовая цымбалістка, удзельніца расійскага шоу "Лепш за ўсіх" стала зоркай медыйнай прасторы. Дзяўчынка не пасаромелася паправіць вядучага Максіма Галкіна, навучыла правільна называць родную краіну.

Адпаведна ўзросту і пытанне Аляксандры. Хутка Новы год, і кожнае дзіця яе гадоў марыць аб адным - трапіць на Прэзідэнцкую ёлку. Да свята застаецца ўсяго некалькі месяцаў, магчымасць спытацца, ці ёсць планы на свята ў Прэзідэнта.

Побач з імі сёння і тыя, каму 50 гадоў таму было 20. Актывісты камсамола. Яны ўсё гэтак жа маладыя душой. У свой час былі актыўнымі ўдзельнікамі студэнцкага руху. Успаміны і веды зараз перадаюць новаму пакаленню.

На памяць аб гэтай сустрэчы актывісты зрабілі Кіраўніку дзяржавы тэматычны падарунак - кнігу аб гісторыі моладзевага руху Беларусі.

Адзін з самых гучных праектаў БРСМ "100 ідэй для Беларусі" стартаваў 7 гадоў таму і стаў адным з самых папулярных конкурсаў у беларускай моладзі. І атрымаў статус міжнароднага. Свае распрацоўкі юнакі і дзяўчаты сёння паказалі Кіраўніку дзяржавы.

Ну і як жа ў юбілейны дзень без песні. Радкі з хіта той эпохі трывожнай маладосці ў перыяд бестурботнага юнацтва падпявае новае пакаленне беларусаў. У кожнага сваё ўспрыманне таго, пра што спяваецца. Але для Прэзідэнта гэтыя радкі галоўныя.

І, вядома, знакамітая "Каманда маладосці нашай". У чатыры рукі разам са сваім выкладчыкам на раялі акампанаваў малодшы сын Кіраўніка дзяржавы Мікалай.

Вось так з натхненнем, агнём у вачах гэтым юнакам і дзяўчатам ствараць гісторыю суверэннай дзяржавы. Бо ў любым узросце для кожнага чалавека важна адчуванне, што ты патрэбны і ты на сваім месцы. Няхай спачатку гэта будуць малыя справы і ў той жа час вялікія ўчынкі: ці то праца ў будатрадзе або дапамога ветэранам і інвалідам. Галоўнае - што максімалізм накіраваны ў патрэбнае ручво - імкненне да ведаў і стваральных ідэй. А яны будуць абавязкова, бо такая моцная энергетыка сённяшняй сустрэчы.