Прэзідэнт сустрэўся з Дзяржсакратаром Саюзнай дзяржавы Рыгорам Рапотам

Сёння Прэзідэнт сустрэўся з Дзяржсакратаром Саюзнай дзяржавы Рыгорам Рапотам. Сімвалічна, што зносіны прайшлі ў дзень нацыянальнага свята - Дня Расіі. З гэтай нагоды Аляксандр Лукашэнка ад імя беларускага народа і сябе асабіста павіншаваў Прэзідэнта Расіі Уладзіміра Пуціна і расійскіх грамадзян. У Палацы Незалежнасці абмеркавалі падрыхтоўку і парадак дня маючага адбыцца пасяджэння Вышэйшага Дзяржсавета, якое праз тыдзень пройдзе ў Мінску. Удзел у ім возьмуць лідары Беларусі і Расіі. Плануецца, што на зацвярджэнне прэзідэнтаў будзе прадстаўлена пагадненне аб прыярытэтных напрамках і далейшых задачах развіцця Саюзнай дзяржавы да 2022 года ўключна. Таксама бакі абмяркуюць шырокі спектр пытанняў двухбаковага супрацоўніцтва.

"Парадак дня пасяджэння сапраўды сфармуляваны і падрыхтаваны. Аднак існуюць пытанні, якія кіраўнікам дзяржаў, магчыма, спатрэбіцца абмеркаваць дадаткова падчас двухбаковых сустрэч або ў іншым фармаце".

Па выніках сустрэчы Рыгор Рапота расказаў журналістам дэталі парадку дня. Акрамя вынікаў беларуска-расійскага эканамічнага супрацоўніцтва, прэзідэнты абмяркуюць праграму ўзгодненых дзеянняў у галіне знешняй палітыкі. Кіраўнікам дзяржаў даложаць, як ідзе работа па адмене роўмінгу ў Саюзнай дзяржаве - зараз гэтае пытанне прапрацоўваецца з гульцамі рынку. А пры падрыхтоўцы пагаднення аб узаемным прызнанні віз краіны ўлічаць вопыт узаемадзеяння падчас чэмпіянату свету па футболе ў Расіі.

Рыгор Рапота, Дзяржсакратар Саюзнай дзяржавы Беларусі і Расіі: 

"Краіны заключылі пагадненне аб узаемным прызнанні віз, але на перыяд правядзення чэмпіянату свету па футболе ў Расіі ў 2018 годзе і II Еўрапейскіх гульняў у Беларусі ў 2019-м. Мы паглядзім, як працуе гэтае пагадненне, выявім усе яго плюсы і мінусы, і гэты вопыт будзе ўлічаны пры падрыхтоўцы пагаднення па ўзаемным прызнанні віз".

Перад сустрэчай лідараў заўтра ў Маскве адбудзецца пасяджэнне Савета Міністраў Саюзнай дзяржавы. Прэм'еры дзвюх краін абмяркуюць пытанні, якія пасля будуць вынесены на парадак дня Вышэйшага Дзяржсавета. Гэта каля дзясятка тэм, у тым ліку развіццё вытворчай кааперацыі, супрацоўніцтва ў сферы АПК і паставак харчавання.