Прэзідэнт: Нам трэба будзе адбудаваць працу піянерскай арганізацыі і БРСМ

З лепшымі прадстаўнікамі піянерскага руху 20 мая сустрэўся Аляксандр Лукашэнка. Беларуская рэспубліканская піянерская арганізацыя - адно з самых масавых дзіцячых аб'яднанняў у нашай краіне. У яго радах больш за паўмільёнактыўных хлопчыкаў і дзяўчынак. Ужо цэлае стагоддзе іх аб'ядноўваюць нязменныя каштоўнасці: дабрыня, справядлівасць, сяброўства і ўзаемадапамога. Добрыя справы, дапамога дарослым, выхаванне лідарскіх якасцяў - усё гэта аснова пераемнасці і галоўныя ідэі піянерскага руху. Аляксандр Лукашэнка адзначыў: гэта яго першая сустрэча з піянерамі. І заклікаўдзяцей да адкрытага дыялогу. Прэзідэнт успомніўсвае юныя гады (ён таксама быў і піянерам, і камсамольцам). Многія традыцыі піянерыі савецкага часу ўдалося захаваць. Але сёння руху трэба надаць новае гучанне.

Прэзідэнт падкрэсліў: піянерскія традыцыі ў Беларусі захоўваюцца дагэтуль як нідзе на постсавецкай прасторы. У іншых рэспубліках піянерыю замянілі іншыя арганізацыі. Але Беларусь не пайшла па гэтым шляху. І гэта была прэзідэнцкая ініцыятыва. Значэнне гэтага руху складана пераацаніць. Дзеці вучацца быць арганізаванымі, жыць у грамадстве - адзначыў кіраўнік дзяржавы. Гэта лідары меркаванняў, ініцыятыўныя і неабыякавыя. На іх плячах адказнасць за будучыню краіны.

Але сённяшняя сустрэча зусім не была падобная да маналогу. Кіраўнік дзяржавы адзначыў, што для яго важна пачуць меркаванне моладзі. Дзеці засыпалі Прэзідэнта пытаннямі, распавялі пра свае праекты і агучылі прапановы па развіцці арганізацыі. І не толькі! Прэзідэнт падтрымаў шматлікія ініцыятывы. Яны знойдуць працяг. У прыватнасці, паабяцаў правесці ўрок гістарычнай памяці для лепшых школьнікаў і студэнтаў (яго прымяркуюць да 1 верасня), а таксама закласці ў Палацы Незалежнасці піянерскую і камсамольскую алеі. Юныя піянеры таксама цікавіліся меркаваннем кіраўніка дзяржавы па шматлікіх пытаннях. Аляксандр Лукашэнка расказаў пра свой дэвіз, якім кіруецца ў жыцці.

Гэтая сустрэча доўжылася парадку дзвюх з паловай гадзін. Дзеці задалі дзясяткі пытанняў аб лідарстве, патрыятызме, захаванні гістарычнай памяці, моладзевых ініцыятывах, выбары прафесійнага шляху. І нават міждзяржаўных адносінах. Гэта была душэўная, простая і адкрытая гутарка на роўных.