Прэзідэнт сустрэўся з паслом Пакістана ў Беларусі

Пра тое, што Беларусь гатова рухацца па шляху стварэння новых сумесных вытворчасцяў у Пакістане, 8 красавіка заявіў Аляксандр Лукашэнка на сустрэчы з Надзвычайным і Паўнамоцным Паслом Пакістана ў Беларусі Саджадам Хайдэрам Ханам. Размова ішла аб супрацоўніцтве нашых краін, сітуацыі ў рэгіёне і пазіцыі Беларусі ў пытаннях мірнага ўрэгулявання канфлікту ва Украіне.

Мінск і Ісламабад звязваюць цесныя адносіны ў розных сферах. І гэта нягледзячы на тысячы кіламетраў, што раздзяляюць нашы дзяржавы. На трывалыя кантакты Беларусь разлічвае і ў далейшым, падкрэсліў Прэзідэнт. Кіраўнік дзяржавы асабліва адзначыў: для Пакістана на нашай зямлі адчынены ўсе дзверы. Для збліжэння эканомік ужо зроблена нямала. І роля дыпламатыі ў гэтым вялікая. Саджад Хайдэр Хан амаль два гады з дыпмісіяй у нашай краіне. І за гэты час партнёры ўмацавалі эканамічныя сувязі. Не перашкода будучым кантактам няпросты для Пакістана час. Краіна перажывае складаную палітычную сітуацыю пасля роспуску парламента і ўрада. Але ўнутранае напружанне грамадска-палітычнай сітуацыі не зменіць добрых адносін па лініі Мінск - Ісламабад.

У Мінска і Ісламабада даўно адладжаны эканамічныя кантакты, падтрыманыя на вышэйшым узроўні. Тавараабарот набірае сілу: толькі за год паказаў рост амаль на 80 %. Варта адзначыць, што Пакістан - гэта вялізны рынак з насельніцтвам звыш 200 мільёнаў чалавек. Яго аграрны вектар шмат у чым вызначае напрамкі супрацоўніцтва. Аснова нашага экспарту - тэхніка, калійныя ўгнаенні, харчаванне і іншыя пазіцыі.

Пасол Пакістана: Ключавыя пункты цікавасці ў Беларусі - сельская гаспадарка і прамысловасць

Пасол адзначыць: цяперашні ўзровень узаемнага гандлю невысокі. Са свайго боку Пакістан гатовы прыкласці ўсе намаганні для больш актыўных кантактаў па лініі бізнесу. Справа за беларускімі партнёрамі.