Прэзідэнт: За пяць гадоў трэба рэалізаваць праграму для паўднёвага ўсходу Магілёўшчыны

Развіццё паўднёвага ўсходу Магілёўшчыны, будаўніцтва інфраструктуры, прывядзенне ў парадак дарог мясцовага значэння. Сёння Прэзідэнт з рабочай паездкай у Слаўгарадскім раёне. Падставай прыехаць у рэгіён стала ўвядзенне ў строй новай транспартнай артэрыі. Мост праз Сож звязаў раён, падзелены папалам вялікай вадой.

Зараз гэта самы зручны і хуткі маршрут, які паслужыць развіццю гэтых тэрыторый: палепшыць лагістыку, спросціць грузаперавозкі на расійскім прымежжы, ажывіць турызм. Прэзідэнт зазначыць: масты і дарогі - гэта жыццё ў рэгіёнах. І ў найбліжэйшыя гады іх будаўніцтва будзе паскорана.

Паўднёваму ўсходу рэгіёна ўвага асаблівая. Гэтай зямлі давялося няпроста: у 80-я яна сур'ёзна пацярпела ад аварыі на Чарнобыльскай станцыі. Пяць гадоў таму гэтыя тэрыторыі вырашылі падтрымаць. Каб прыцягнуць інвестыцыі і буйны бізнес, заахвоціць прадпрымальніка малой і сярэдняй рукі, прадугледзелі прэферэнцыі. А каб стварыць умовы для замацавання маладых спецыялістаў, дапамагчы пабудавацца, - даступныя крэдыты пад сімвалічны адзін працэнт гадавых. А нядаўна дзеянне дзяржпадтрымкі падоўжана яшчэ на пяцігодку.

Адна з самых вядомых славутасцяў Слаўгарадскай зямлі і рэгіёна ў цэлым - Блакітная крыніца, помнік прыроды рэспубліканскага значэння. Прэзідэнт сёння наведаў і гэтае месца. Тым больш дарога да яго зараз стала камфортнай. Воды маляўнічага возера валодаюць высокімі пітнымі якасцямі і служаць узорам чысціні. Людзі вераць у іх гаючыя ўласцівасці. Аляксандр Лукашэнка пагутарыў з жыхарамі, пакаштаваў мясцовыя пачастункі, ацаніў прадукцыю народнай творчасці.