Прэзідэнтам прынята рашэнне перавесці Аршанскі раён на рэжым асаблівага функцыянавання

Прэзідэнт Беларусі на нарадзе ў Оршы напярэдадні ўказаў на сістэмныя недапрацоўкі па комплексным развіцці рэгіёна і прыняў шэраг кадравых рашэнняў.

Кіраўнік раёна адпраўлены ў адстаўку, а да канца тыдня Кіраўнік дзяржавы запатрабаваў кадравыя прапановы па працы вярхушкі Саўміна. У прыватнасці, размова аб міністрах прамысловасці і будаўніцтва. Прэзідэнт раскрытыкаваў працу ўсяго ўрада за недапрацоўкі па развіцці раёна. Мноства канкрэтных даручэнняў правалена. Без увагі засталося кожнае чацвёртае.

Прэзідэнтам прынята рашэнне аб тым, каб перавесці Аршанскі раён на рэжым асаблівага функцыянавання. Зараз гэта лакмусавая паперка для ўсёй краіны. Пасля вялікай нарады прайшло першае пасяджэнне рабочай групы па выкананні даручэнняў Прэзідэнта. Без удзелу членаў урада абмяркоўваліся першачарговыя кадравыя пытанні, а таксама стратэгія дзеянняў у дачыненні да праблемных заводаў.