Праца прадпрыемстваў, міжнароднае супрацоўніцтва. Нарада Прэзідэнта з кіраўніцтвам Савета міністраў

Праца прадпрыемстваў, міжнароднае супрацоўніцтва, паляпшэнне дзелавога асяроддзя. Такі спектр тэм абмяркоўвалі напярэдадні на нарадзе Прэзідэнта з кіраўніцтвам Савета міністраў.

Сустрэчы з эканамічным блокам урада ўжо сталі традыцыйнымі. Практыка прамога дыялогу па сістэмных пытаннях паказала сваю эфектыўнасць. На парадку дня быў пакет законапраектаў для развіцця спрыяльнага інвестыцыйнага клімату і вядзення бізнесу. Улічваючы, што дакументы закранаюць шырокае кола інтарэсаў, на нараду запрасілі кіраўнікоў парламента, Камітэта дзяржкантролю, Адміністрацыі Прэзідэнта і некаторых дзяржорганаў. Асобна Аляксандр Лукашэнка закрануў эфектыўнасць работы некаторых прадпрыемстваў.

У гэтым пытанні пазіцыя Прэзідэнта нязменная. Калі дзяржава аказвае падтрымку, то мае права разлічваць на вынік і выкананне абавязацельстваў. Кантраляваць тэрміны ў такіх выпадках - даручэнне Камітэту дзяржкантролю і Адміністрацыі Прэзідэнта.

Кіраўнік дзяржавы нагадаў аб прынцыповым пытанні - адказнасці не толькі кіраўнікоў, але і ўрада. Па выніках нарады першы віцэ-прэм'ер таксама паведаміў, што ў найбліжэйшы час чакаецца прыняцце дакументаў для паляпшэння дзелавога клімату і павышэнне інвестыцыйнай прывабнасці Беларусі. Што датычыцца супрацоўніцтва па міжнароднай лініі, то разглядаліся пытанні ў сферы мытнага ўзаемадзеяння ў СНД і з міжнароднымі фінансавымі структурамі.