Развіццё сельгасвытворчасці абмяркоўвалі напярэдадні на нарадзе з Прэзідэнтам у Шклоўскім раёне

Развіццё сельгасвытворчасці і якасць жыцця на сяле абмяркоўвалі напярэдадні на нарадзе з Прэзідэнтам у Шклоўскім раёне. Аляксандр Лукашэнка адзначыў: за апошнія гады атрымалася не толькі выратаваць і аднавіць аграсектар, але і забяспечыць неабходныя сацыяльныя стандарты. Далейшае развіццё галіны цалкам магчыма з удзелам прыватнага капіталу. Пры жалезнай умове, што ніхто не будзе пакрыўджаны. Галоўнае - годныя ўмовы працы і зарплата па заслугах. Арыенцір ад Прэзідэнта - за два гады давесці сярэднюю зарплату ў аграсектары да тысячы рублёў.

Аляксандр Лукашэнка наведаў гаспадаркі аграхолдынга "Купалаўскае", дзе ўбачыў, як рэалізуюцца пастаўленыя задачы па стварэнні эфектыўнага аб'яднання з поўным цыклам вытворчасці, перапрацоўкі і рэалізацыі прадукцыі. У маршруце Кіраўніка дзяржавы быў і комплекс "Вялікія Славені". Тут акцэнт на неабходнасць выкарыстання перадавых тэхналогій, арыентуючыся першым чынам на эфектыўнасць. Аляксандр Лукашэнка нагадаў аб выконванні працоўнай дысцыпліны, а таксама паказаў на цэлы шэраг недапрацовак пры развіцці комплексу.