Шэраг кадравых рашэнняў прыняты ў Палацы Незалежнасці

Шэраг кадравых рашэнняў прыняты сёння ў Палацы Незалежнасці. Ракіроўкі ў мясцовай вертыкалі ўлады.

Новыя кіраўнікі ў Пружанскім, Кобрынскім, Лунінецкім, Барысаўскім, Старадарожскім і Слуцкім раёнах. Старшыня Барысаўскага райвыканкама зменіць прапіску на магілёўскую, дзе на пасадзе намесніка губернатара будзе курыраваць пытанні будаўніцтва і ЖКГ. А першы намеснік міністра спорту і турызму пераедзе ў Віцебск і зойме крэсла намесніка старшыні аблвыканкама. Прызначэнцы не навічкі, яны добра ведаюць сітуацыю і на знешнім контуры, і ўнутры краіны, падкрэсліў Прэзідэнт Аляксандр Лукашэнка. Патрэбныя толькі выканаўчасць і ініцыятыва.

У аснове асноў, звярнуў увагу Прэзідэнт, павінна быць справядлівасць. Дысцыпліна, арганізаванасць і актыўная работа з людзьмі - краевугольныя пытанні для мясцовай улады.