Спачуванне Прэзідэнту Турцыі Рэджэпу Таіпу Эрдагану

Прэзідэнт Беларусі Аляксандр Лукашэнка ад імя беларускага народа і сябе асабіста выказаў шчырыя спачуванні Прэзідэнту Турцыі Рэджэпу Таіпу Эрдагану, родным і блізкім загінуўшых у выніку чыгуначнай аварыі ў правінцыі Тэкірдаг.

Кіраўнік дзяржавы падкрэсліў, што ў Беларусі з пачуццём вялікага смутку даведаліся аб шматлікіх ахвярах у выніку здарэння.

Аляксандр Лукашэнка пажадаў пацярпелым хутчэй акрыяць, а таксама перадаў словы падтрымкі Прэзідэнту Турцыі і ўсяму турэцкаму народу.