Спачуванні Прэзідэнту Зімбабвэ

Прэзідэнт Беларусі Аляксандр Лукашэнка накіраваў спачуванні Прэзідэнту Зімбабвэ Эмерсану Мнангагвэ і Прэзідэнту Мазамбіка Філіпэ Жасінту Ньюсі.

Кіраўнік дзяржавы адзначыў, што ў Беларусі з глыбокай скрухай успрынялі вестку аб шматлікіх ахвярах і маштабных разбурэннях пад уздзеяннем цыклону "Ідаі".

Ад імя беларускага народа і сябе асабіста Аляксандр Лукашэнка выказаў спачуванні родным і блізкім загінуўшых, а таксама перадаў словы падтрымкі і пажаданні скарэйшай папраўкі пацярпелым.