Адбылася тэлефонная размова прэзідэнтаў Беларусі і Расіі

Аляксандр Лукашэнка і Уладзімір Пуцін напярэдадні абмяняліся цёплымі віншаваннямі з Днём Перамогі. Лідары абмеркавалі графік сумесных мерапрыемстваў, якія запланаваны ў найбліжэйшыя месяцы як у Беларусі, так і ў Расіі. У развіццё перамоў Уладзіміра Пуціна з прэзідэнтам Таджыкістана, які наведаў з візітам Маскву, бакі абмеркавалі сітуацыю ў зоне адказнасці АДКБ. Прэзідэнты закранулі становішча ва Украіне, а таксама імкненні гэтай краіны да цеснага ўзаемадзеяння з НАТА. Размова ішла таксама пра ўнутраную сітуацыю ў Беларусі і Расійскай Федэрацыі. Аляксандр Лукашэнка і Уладзімір Пуцін дамовіліся ў найбліжэйшы час сустрэцца і абмеркаваць праблемы, якія стаяць перад краінамі.