Сталі вядомыя падрабязнасці інтэрв'ю Прэзідэнта Беларусі журналісту Уладзіміру Салаўёву

Прэзідэнт Беларусі сёння даў інтэрв'ю расійскаму журналісту Уладзіміру Салаўёву. Размова доўжылася каля дзвюх гадзін і была больш падобна на шчырую гутарку, чым на інтэрв'ю звыклага фармату.

Вось толькі некаторыя тэмы: самыя гарачыя падзеі жніўня 2020-га, бацькаўшчына ад Мінска да Уладзівастока, параўнанне беларускага лідара з сінгапурскім палітычным дзеячам Лі Куан Ю. Прэзідэнт таксама адказаў, чаму ён зараз не на Алімпіядзе і ў чым глыбінныя прычыны здрады ў поствыбарны час. Уладзімір Салаўёў добра вядомы гледачам як вядучы грамадска-палітычных ток-шоу на тэлеканале "Расія 1". Адных з самых папулярных на расійскім ТБ. У будні і нядзельны вечар у рамках яго праграмы эксперты і палітыкі абмяркоўваюць актуальныя падзеі расійскага і міжнароднага парадку. Журналіст працуе і ў блогерскім фармаце. Канал "Салаўёў Лайф", аўдыторыя якога налічвае больш за 800 тысяч падпісчыкаў, уваходзіць у топ-20 самых папулярных YouTube-каналаў Расіі.