Цырымонія падпісання рашэння рэспубліканскага рэферэндуму адбылася ў Палацы Незалежнасці

Мы стварылі і прынялі ўнікальны прававы дакумент. Прэзідэнт Беларусі сёння падпісаў рашэнне рэспубліканскага рэферэндуму. Урачыстая цырымонія адбылася ў Палацы Незалежнасці.

Больш за тысячу гасцей. Гэта вышэйшыя службовыя асобы, члены ўрада, прадстаўнікі Канстытуцыйнага і Вярхоўнага судоў, дэлегацыі з розных рэгіёнаў краіны, прадстаўнікі грамадскасці, у тым ліку экспертнай групы. Прэзідэнт падзякаваў усім, хто браў удзел у распрацоўцы дакумента, хто не быў абыякавы да лёсу сваёй краіны. З ранейшай Канстытуцыяй мы многага дасягнулі, адзначыў Аляксандр Лукашэнка, але настаў час зазірнуць за гарызонт. Беларусы выбралі эвалюцыйнае ператварэнне палітычнай сістэмы, і новы дакумент таму пацвярджэнне.

Беларусь застанецца рэспублікай з моцным Прэзідэнтам, асцярожна і прадумана ўдасканаліць сістэму дзяржкіравання. Мэта адна - умацаванне нацыянальнай бяспекі. І вельмі сімвалічна, што абноўлены Асноўны закон уступіць у сілу 15 сакавіка - у Дзень Канстытуцыі Рэспублікі Беларусь.