У "БелЭкспа" ідзе апошняя падрыхтоўка да "Вялікай размовы з Прэзідэнтам"

Літаральна паўтары гадзіны застаецца да пачатку "Вялікай размовы з Прэзідэнтам". Кіраўнік дзяржавы сустрэнецца з прадстаўнікамі грамадскасці і экспертнай супольнасці, беларускіх і замежных СМІ ў адміністрацыйным комплексе "БелЭкспа". У мерапрыемстве возьмуць удзел больш як 200 чалавек - журналісты, палітолагі, эканамісты, работнікі рэальнага сектара эканомікі, грамадскія аб'яднанні і канфесіі.

І прама зараз на сувязі са студыяй наш палітычны аглядальнік Ілона Красуцкая.

Яшчэ 1,5 гадзіны да пачатку "Вялікай размовы з Прэзідэнтам", але мы, журналісты, і тыя, хто забяспечвае тэхнічны складальнік мерапрыемства, ужо даўно на працы. Такая пунктуальнасць прадказальная, бо для нас, рэпарцёраў, гэта ўнікальная магчымасць убачыць, а пасля расказаць пра ўсе этапы падрыхтоўкі гэтага маштабнага мерапрыемства.

Пакуль ідзе апошняя падрыхтоўка, госці пачнуць збірацца дзесьці праз паўгадзіны, таксама загадзя, бо склад удзельнікаў немалы -больш як 200 чалавек. Рассадка, імянныя месцы ўжо вызначаны. Адразу хачу сказаць, што такім жа вялікім будзе і пул журналістаў, якія будуць прысутнічаюць і асвятляць гэтую сустрэчу. Сотня чалавек. Гэта рэпарцёры, прадстаўнікі друкаваных і электронных СМІ, блогеры, кіраўнікі буйных выданняў. Спецыяльна, каб задаць сваё пытанне беларускаму Прэзідэнту, прыляцелі госці з Кітая, Францыі, ЗША, Германіі, Польшчы. Пералічваць можна доўга.

Па словах прэс-сакратара Кіраўніка дзяржавы, "Вялікая размова з Прэзідэнтам" стане самым важным мерапрыемствам перад падрыхтоўкі да Паслання Прэзідэнта беларускаму народу і парламенту. Гэта такая добрая зваротная сувязь, каб зразумець, што зараз асабліва хвалюе людзей і экспертную супольнасць.

Я крыху раней гаварыла аб дэталях так званай закадравай часткі мерапрыемства, дык вось што адразу кідаецца ў вочы - гэта, вядома, стол. Ён дыяметрам 12 метраў. За гэтым сталом побач з Прэзідэнтам размесцяцца 39 гасцей. У працэсе сустрэчы на трох экранах будуць транслявацца відэапытанні, звароты не толькі з розных рэгіёнаў краіны, але і замежжа. Ведаем, што адрасаваць свае пытанні Кіраўніку дзяржавы плануюць і зусім юныя беларусы.

Фармат сустрэчы, усё схіляе да нязмушанага, шчырага дыялогу. Ды і мы, журналісты, па вопыце можам пацвердзіць, што атмасфера на гэтым мерапрыемстве будзе максімальна набліжана да нефармальнай. Гэта не прэс-канферэнцыя, гэта сапраўды вялікі дыялог на самыя розныя тэмы.

Некалькі дзён эксперты прагназавалі самыя рэзанансныя пытанні і актуальныя тэмы. Я папрашу зараз рэжысёраў паказаць некалькі меркаванняў.

І, як вядома, Аляксандр Лукашэнка ніколі не абмяжоўвае па хронаметражы. Усе выдатна памятаем дэбют пару гадоў таму ў гэтых жа антуражах. Тады ўпершыню адбыўся такі адкрыты дыялог Кіраўніка дзяржавы з грамадскасцю, ён стаў рэзанансным. Сустрэча працягвалася больш як 7 гадзін. Але праз два гады нават цікава прааналізаваць, якія пытанні і праблемы гучалі, а галоўнае - знайшлі рашэнне.

А вось гэтым разам загадзя нават складана прагназаваць, колькі Прэзідэнт будзе размаўляць з удзельнікамі. Іх шмат, шмат тэм для абмеркавання, пытанняў - трэба многім надаць увагу. Таму, хто ведае, магчыма, і будзе пабіты рэкорд мінулай такой сустрэчы.

"Вялікую размову з Прэзідэнтам" можна будзе ўбачыць у прамым эфіры. Трансляцыя пачнецца ў 10:30. А самыя яркія моманты, меркаванні і ўражанні ўдзельнікаў пакажам у "Панараме". Для нас, журналістаў, шмат працы будзе і да пачатку мерапрыемства, гэта таксама цікавая частка, даведацца, аб чым у кулуарах гавораць запрошаныя, якія пытанні абмяркоўваюць эксперты. Што ж, чакаем пачатку. Будзе вельмі цікава!