У Сочы працягваюцца перамовы Аляксандра Лукашэнкі і Уладзіміра Пуціна

На сустрэчы ў Краснай Паляне прэзідэнты пацвердзілі прыхільнасць саюзніцкім адносінам і выказалі ўпэўненасць, што праблемныя пытанні, якія ўзнікаюць, будуць знаходзіць вырашэнне. Беларуска-расійскія адносіны вызначае высокі ўзровень з пункта погляду ўсіх магчымых кірункаў міждзяржаўнага ўзаемадзеяння - палітыкі, эканомікі, сацыяльнай сферы і культуры. Расія - асноўны гандлёвы партнёр Беларусі. Узаемны тавараабарот паказвае рост. Аб'ём агульнага гандлю па выніках мінулага года перавысіў 35 мільярдаў долараў.

Пасля завяршэння дзелавой сустрэчы з удзелам членаў урадаў у Краснай Паляне кіраўнікі дзяржаў разам адправіліся на адну з сочынскіх гарналыжных трас. Іх з'яўленне стала сюрпрызам для многіх дзясяткаў аматараў зімовага спорту. Яны адразу акружылі прэзідэнтаў, здымаючы іх на відэа і робячы сэлфі.