У Палацы Незалежнасці ўшаноўвалі выпускнікоў ваенных ВНУ і афіцэрскага складу

Вырашальную ролю ў павышэнні баяздольнасці нашых Узброеных сіл іграюць ваенныя кадры. Пра гэта заявіў Прэзідэнт Аляксандр Лукашэнка на цырымоніі ўшаноўвання выпускнікоў вышэйшых ваенных навучальных устаноў і вышэйшага афіцэрскага складу. Кіраўнік дзяржавы таксама адзначыў, што беларусы як ніякая іншая нацыя цэняць мір, бяспеку і незалежнасць.

За выдатныя поспехі ў вучобе Прэзідэнт уручыў падзяку выпускнікам ваенных ВНУ - гэта 21 чалавек. Таксама ў вышэйшы афіцэрскі склад увайшлі яшчэ некалькі вайскоўцаў. Чарговыя воінскія званні - генерал-маёра Узброеных сіл - атрымалі Андрэй Федзін, Аляксандр Панфёраў і Аляксандр Навуменка. Генеральскае папаўненне і ў МУС - Іван Кубракоў і Аляксандр Астрэйка. Персанальнага звання дзяржаўнага саветніка мытнай службы трэцяга рангу ўдастоены Андрэй Кавальчук.