Пасля мітынгу-рэквіема ў Трасцянцы ў Палацы Незалежнасці адбыліся двухбаковыя сустрэчы

Пасля завяршэння мітынгу-рэквіема ў Трасцянцы ўсе лідары адправіліся ў Палац Незалежнасці, дзе адбыліся двухбаковыя сустрэчы. Так, аўстрыйскі бок вельмі высока ацаніў унёсак Беларусі ў захаванне агульнаеўрапейскай памяці. А Аляксандр Лукашэнка ў сваю чаргу адзначыў важкі ўнёсак Аўстрыі ва ўмацаванне рэгіянальнай бяспекі.

Пра тое, як важна ў сучасным свеце ўмець дамаўляцца, ішла размова падчас сустрэчы з лідарам нямецкай дзяржавы. Аляксандр Лукашэнка падзякаваў Германіі за вялізны ўклад у нармалізацыю адносін Беларусі і ЕС. У сваю чаргу Франк-Вальтэр Штайнмаер даў самую высокую ацэнку ролі Беларусі ў пераадоленні найбуйнейшага крызісу на еўрапейскім кантыненце.

Таксама прэзідэнт Германіі выказаў асаблівую падзяку за запрашэнне на адкрыццё другой чаргі мемарыяла ў Трасцянцы.