Тэрміновая эвакуацыя! Лос-Анджэлес накрывае новая хваля пажараў

Каліфорнія зноў гарыць. Новы моцны лясны пажар адбыўся ў акрузе Лос-Анджэлес. За 5 гадзін агнём была абхоплена плошча 32 кв. км.

Мясцовыя ўлады далі распараджэнне аб тэрміновай абавязковай эвакуацыі больш як 50 тыс. чалавек. Агонь пагражае густанаселеным раёнам. Распаўсюджванню полымя спрыяе моцны вецер.

Каліфорнія абхоплена пажарамі ўжо на працягу трох тыдняў. Агонь знішчыў боллш як 12 тыс. будынкаў, у тым ліку нерухомасць многіх знакамітасцяў.

Паводле апошніх даных, загінулі 25 чалавек. Эканамічны ўрон ад пажараў перавышае 250 млрд долараў.