У Беларусі свята млынароў

Сёння ў Беларусі свята млынароў. Да гэтай даты гісторыка-культурны музей-запаведнік "Заслаўе" сумесна з Музеем народнай архітэктуры і побыту дэманструе фотапраект "Забытыя асілкі зямлі беларускай". На фота феномен беларускай матэрыяльнай культуры - старадаўнія млыны-ветракі. Яны з'явіліся на нашых землях у XIX стагоддзі і сталі важным атрыбутам гаспадарчай дзейнасці беларусаў. У праекце не толькі здымкі, але і навуковыя звесткі.

Фатаграфіі былі зроблены ў 70-80-я гады мінулага стагоддзя падчас навукова-даследчых экспедыцый па Беларусі. Дзякуючы гэтым кадрам можна ўбачыць архітэктуру беларускіх вёсак і мястэчак мінулага стагоддзя.