15 кастрычніка - Сусветны дзень барацьбы з ракам малочнай залозы

15 кастрычніка ў свеце - дзень, прысвечаны прафілактыцы і супрацьстаянню раку малочнай залозы.

Сярод анкалагічных паталогій рак грудзей у жанчын - на першым месцы ва ўсім свеце і нясе высокі працэнт смяротнасці.

Штогод на планеце выяўляюць да мільёна новых выпадкаў гэтай злаякаснай пухліны. У Беларусі за апошні год рак грудзей канстатаваны прыкладна ў пяці тысяч жанчын.

Сярод прычын такіх лічбаў медыкі называюць рост узроўню анкадыягностыкі і эфекту ад скрынінгавых праграм. Дзякуючы дыягнастычнай актыўнасці рак выяўляецца на ранніх стадыях, што спрыяе паспяховаму яго лячэнню.

Больш познія і складаныя - трэцюю і чацвёртую - стадыі раку беларускія анколагі таксама не лічаць безнадзейнымі: для кожнага такога пацыента распрацоўваецца комплекснае лячэнне з улікам сусветнага вопыту і айчынных напрацовак.

24 і 25 кастрычніка Рэспубліканскі навукова-практычны цэнтр анкалогіі і радыялогіі імя Аляксандрава правядзе маштабную міжнародную навукова-практычную канферэнцыю па тэматыцы раку малочнай залозы. Сваім вопытам падчас мерапрыемстваў падзеляцца вядучыя спецыялісты з розных краін.