2-й бальніцы - 225 гадоў. Юбілей адзначае найстарэйшая бальніца Мінска

225 гадоў найстарэйшай бальніцы Мінска. Вялікая дата для тых, хто на базе клінікі аказвае кваліфікаваную дапамогу дзясяткам тысяч пацыентаў. Лепшыя хірургі, траўматолагі, кардыёлагі і неўролагі працуюць тут і трымаюць высокую планку аказання медыцынскіх паслуг.

З нагоды юбілею на базе бальніцы сёння праходзяць дыялогавыя пляцоўкі з ганаровымі гасцямі, а калектыў узнагародзяць на святочным канцэрце.

У 2-й клінічнай бальніцы Мінска праводзяць вельмі складаныя аперацыі на сэрцы з ювелірнай дакладнасцю. Працуюць самыя кваліфікаваныя спецыялісты - кандыдаты навук і выдатнікі аховы здароўя. За год у сярэднім медыцынскую дапамогу тут атрымліваюць амаль 30 тыс. чалавек з усёй Беларусі.