130 тыс. т збожжа новага ўраджаю сабралі аграрыі Мінскай вобласці

130 тыс. т збожжа новага ўраджаю ўжо сабралі аграрыі Мінскай вобласці. Абмалочана 80 % плошчаў азімага ячменю. Гэта стартавая культура жніва, атрымліваюць і першыя тысячы тон рапсу. У цэлым жа сельгасарганізацыі цэнтральнага рэгіёна гатовы да выхаду ў палі на масавую ўборачную. Усяго задзейнічаюць больш за 1 700 камбайнаў. Прымуць удзел у жніве і 27 маладзёжных экіпажаў цэнтральнага рэгіёна.

12 камбайнаў працуюць і на палях гаспадаркі "Чэрвеньскі райаграсэрвіс". Сярэдняя ўраджайнасць ячменю на мясцовых палях - 30 цэнтнераў з гектара. Паводле слоў аграрыяў, гэтая культура выконвае функцыю свежай сыравіны ў бесперапынным цыкле мясамалочнай жывёлагадоўлі. Адначасова на палях прэсуюць салому і рыхтуюцца да іншых відаў сельскагаспадарчых работ.

Адначасова аграрыі Мінскай вобласці рыхтуюцца і да сяўбы азімых культур. Для гэтага закладзены тэрміны з 5 па 25 жніўня. У апошні час усё больш зямель аддаюць менавіта пад азімыя культуры, так як іх ураджайнасць значна вышэй за яравыя.