А. Лукашэнка паставіў задачы перад аграрыямі - своечасова і якасна правесці ўборку ўраджаю з палёў

Своечасова і якасна правесці ўборку ўраджаю з палёў - галоўныя патрабаванні маючай адбыцца ўборачнай кампаніі. Задачы перад аграрыямі ў гарачую пару паставіў Прэзідэнт. Напярэдадні ў Палацы Незалежнасці абмеркавалі ўсе нюансы жніва-2021.

Уборачная набірае абароты. Першы мільён тон збожжа ўжо ў засеках. Аграрыі ўзялі добрыя хуткасці. Важна не змяншаць тэмпы. У кароткія тэрміны трэба правесці і нарыхтоўку кармоў, і ўборку збожжа. Асаблівасць гэтага года ў тым, што ўсе культуры даводзіцца прыбіраць фактычна адначасова. І гэта не спрашчае задачы. Але Прэзідэнт упэўнены: дысцыпліна і правільная стратэгія ў арганізацыі гарачай пары дазволяць разлічваць на важкі каравай. Чакаецца, што ён будзе не меншы, чым леташні. Тым больш гэта важна сёлета, калі на харчаванні можна нядрэнна зарабіць.

Аляксандр Лукашэнка запатрабаваў паставіць жорсткі заслон стратам збожжа. Яны вялікія - штогод гэта парадку мільёна тон! Дзяржкантролю і МУС у гэтай сувязі даручана правесці рэвізію сельгастэхнікі. Каля 10 % камбайнаў сёння няспраўныя. Таксама кантралёрам даручана перакрыць усе каналы крадзяжоў збожжа і гаручага. А губернатарам - вырашыць праблему недахопу механізатараў у гаспадарках. Трэба будзе дадаткова прыцягнуць парадку 1,5 тысячы камбайнераў.