Актывізаваць двухбаковае супрацоўніцтва дамовіліся Беларусь і Узбекістан

Сёння ў Астане, дзе праходзіць пасяджэнне Савета кіраўнікоў урадаў СНД, прэм'ер-міністры Сяргей Румас і Абдула Арыпаў падпісалі дарожную карту. Яна прадугледжвае пастаўку ва Узбекістан МАЗаў на 2 мільёны долараў, трактароў МТЗ на 5 мільёнаў. Прыняць удзел у тэндарах на пастаўку сваёй тэхнікі плануе і БелАЗ. А ў Мінску можа з'явіцца гандлёвы дом або магазін узбекскіх тавараў.