Аляксандр Лукашэнка наведвае "Першы нацыянальны гандлёвы дом"

Прэзідэнт Беларусі Аляксандр Лукашэнка сёння ў Мінску наведвае гандлёвы цэнтр "Першы нацыянальны гандлёвы дом",пішаБЕЛТА.

Гандлёвы цэнтр такога фармату, у якім прапануецца прадукцыя айчынных вытворцаў з кожнага рэгіёна краіны, адкрываецца ўпершыню. Гандлёвую прастору запоўнілі фірменныя магазіны і аб'екты грамадскага харчавання вядучых беларускіх вытворцаў. Плануецца, што наведванне гандлёвага цэнтра будзе ўключана ў турыстычныя маршруты па горадзе Мінску, каб госці сталіцы змаглі азнаёміцца з прадукцыяй беларускіх вытворцаў і набыць яе ў адным месцы.

Нагадаем, у ліпені 2022 года падчас наведвання гандлёвага цэнтра "Сталіца" Аляксандр Лукашэнка даручыў стварыць беларускі гандлёвы цэнтр на месцы даўгабуду на скрыжаванні праспекта Незалежнасці і вуліцы Кірылы Тураўскага ў Мінску. Раней гэты аб'ект называўся "Магніт Мінска". Яго пачалі ўзводзіць яшчэ ў 2009 годзе, але к сярэдзіне2022 года работы так і не былі завершаны. Кіраўнік дзяржавы тады даручыў аператыўна пачаць работы на месцы даўгабуду.

Акрамя прысутнасці вядучых беларускіх брэндаў перавагай гандлёвага цэнтра з'яўляецца наяўнасць у ім шматфункцыянальнага цэнтра для ажыццяўлення адміністрацыйных працэдур, які ўключае службу "адно акно" і разлікова-даведкавы цэнтр адміністрацыі Першамайскага раёна горада Мінска, філіял РУП "Мінскае гарадское агенцтва па дзяржаўнай рэгістрацыі і зямельнымкадастры", аддзел па грамадзянстве і міграцыі галоўнага ўпраўлення ўнутраных спраў Мінскага гарвыканкама.

Плошча гандлёвых памяшканняў новага гандлёвага цэнтра складае больш 21 тыс. кв. м, колькасць аб'ектаў гандлю, бытавых паслуг і грамадскага харчавання - 133.