Аляксандр Лукашэнка прыняў дэлегацыю Тамбоўскай вобласці

Узнімаць супрацоўніцтва на новы ўзровень - задача для работы з Тамбоўскай вобласцю. Прэзідэнт Беларусі 29 жніўня прыняў дэлегацыю з расійскага рэгіёна. Неабходна не толькі павялічваць тавараабарот, але і наладжваць сумесныя вытворчасці. І патэнцыял для гэтага ёсць.

Тамбоўская вобласць - гэта амаль мільён чалавек насельніцтва. Знаходзіцца ўсяго за 500 км ад Масквы. Спецыялізацыя рэгіёна - машынабудаванне. Таму адзін з першых і самых перспектыўных напрамкаў - стварэнне кааперацыйных пляцовак і пастаўкі грузавой, камунальнай і сельгастэхнікі. Расійская дэлегацыя ўжо пабывала на МАЗе і МТЗ як патэнцыйных партнёрскіх прадпрыемствах. Беларусы адкрытыя да любых праектаў - гэта сказаў Прэзідэнт, але трэба працаваць хутчэй.

"Згодна з маёй інфармацыяй, пасля сустрэчы з нашым паслом у Расіі сёлета ў красавіку вы прапанавалі нам вытворчыя плошчы акцыянернага таварыства "Тамбоўспецмаш" для рэалізацыі сумесных кааперацыйных праектаў. Хацелася, каб вы ўжо праз час сказалі, якую тэхніку вы хацелі б вырабляць разам з намі, якія сёння маем вынікі гэтай працы, што трэба зрабіць?" - удакладніў Аляксандр Лукашэнка.

Вялікі плюс гэтай прапановы - Тамбоўспецмаш ужо выкарыстоўвалі буйныя еўрапейскія вытворцы сельгастэхнікі, гэта значыць інфраструктура часткова наладжаная. Беларусаў разглядаюць як значна больш надзейных партнёраў. Збіраць у перспектыве можна і сельгастэхніку, і аўтобусы.

Шмат расійскіх рэгіёнаў сёння пераарыентаваліся на беларускую тэхніку. А гэта і цэнтры абслугоўвання, і ў перспектыве лакалізацыя вытворчасці. Могуць беларусы дапамагчы і з будаўніцтвам, прычым не толькі жылых кварталаў, але і бальніц, школ, малочна-таварных ферм. Якасць і, галоўнае, прытрымліванне тэрмінаў - гэтым вызначаюцца нашы спецыялісты. Яшчэ адзін напрамак для супрацоўніцтва - абмен аграрнымі тэхналогіямі. І, вядома, гуманітарная сфера. Дарэчы, горад-пабрацім Тамбова ў Беларусі - Гродна. Зараз з ім будуць актыўна наладжваць сувязі па абмене студэнтамі.