Амбіцыйны праект рэалізуюць на прадпрыемстве "Нафтан"

Амбіцыйны праект, які рэалізуюць на прадпрыемстве "Нафтан", дазволіць вывесці нафтаперапрацоўчую галіну краіны на цалкам новы ўзровень, упэўненыя спецыялісты. Ужо ўведзена ў эксплуатацыю мадэрнізаваная ўстаноўка "Гідравычышчэнне нумар 2". Зараз усё дызельнае паліва, якое вырабляецца на заводзе, адпавядае міжнародным патрабаванням - стандарту еўра пяць з ультранізкім утрыманнем серы. Марына Раманоўская прадоўжыць.

Найскладанейшыя працэсы - як на далоні. Аператары расказваюць: пасля мадэрнізацыі іх работа значна спрасцілася. Сярод істотных плюсаў - укараненне найноўшай сістэмы размеркаванага кіравання. Яна дазваляе адначасова адсочваць усе параметры ўстаноўкі.

Устаноўка працуе ў вытворчым рэжыме. Базавае праектаванне, архітэктурны і будаўнічы праекты выканалі вядучыя еўрапейскія кампаніі. Дзякуючы абнаўленню, зараз усё дызельнае паліва, якое вырабляецца на заводзе, адпавядае міжнародным патрабаванням - стандарту еўра пяць з ультранізкім утрыманнем серы.

Мадэрнізаваная ўстаноўка прайшла выпрабаванні на розных рэжымах працы. Эканамічны эфект ад рэалізацыі праекта спецыялісты ацэньваюць у дваццаць мільёнаў долараў за год.

Поўнае завяршэнне мадэрнізацыі дазваляе павысіць прадукцыйнасць устаноўкі на чвэрць. Гэта адкрывае новыя магчымасці збыту прадукцыі. Яшчэ адзін важкі плюс - гідравычышчэнне нумар два дазваляе значна знізіць нагрузку на навакольнае асяроддзе.

Гідравычышчэнне нумар два - адзін з аб'ектаў комплексу запаволенага каксавання. Ён уключае некалькі складаных установак. Гэта ключавы праект праграмы інвестыцыйнага развіцця завода. Рэалізацыя амбіцыйнага праекта дазволіць вывесці нафтаперапрацоўчую галіну краіны на новы ўзровень.

Ужо ў найбліжэйшы час на заводзе ўвядуць у эксплуатацыю ўстаноўку атрымання вадароду нумар два. Гэта важны аб'ект комплексу запаволенага каксавання. Маштабная мадэрнізацыя "Нафтана" павінна завяршыцца ўжо да лістапада наступнага года.