Беларусь і Іран вызначаюць новыя пункты для росту тавараабароту

Моцная і ўстойлівая эканоміка - наш падмурак, які ўжо даказаў сваю трываласць, маналітнасць і "сейсмаўстойлівасць". І мы працягваем будаваць далей. Прычым, не толькі не зніжаем тэмпаў, а наадварот актыўна нарошчваем.

Беларусь зацікаўлена ва ўмацаванні гандлёва-эканамічнага супрацоўніцтва з Іранам. Гэта было заяўлена 29 ліпеня на сустрэчы ва ўрадзе з міністрам прамысловасці Ірана. Беларускі прэм'ер назваў візіт своечасовым, каб вызначыць прыярытэтныя задачы для павелічэння ўзаемнага тавараабароту. На палітычным узроўні ў нас вельмі добрае і канструктыўнае ўзаемадзеянне. Беларусь і Іран, нягледзячы на націск звонку, аказваюць адно аднаму разнастайную ўзаемную дапамогу на ўсіх міжнародных пляцоўках, у тым ліку ў ААН, у Шанхайскай арганізацыі супрацоўніцтва. Нашы краіны падзяляюць такія прынцыпы, як імкненне да шматпалярнага свету, непахіснасць суверэнітэту, неўмяшанне ва ўнутраныя справы і раўнапраўнае супрацоўніцтва на міжнароднай арэне.

28 ліпеня ў Мінску адбылося пасяджэнне беларуска-іранскай камісіі па пытаннях эканамічнага супрацоўніцтва. Дасягнуты канкрэтныя дамоўленасці. Вызначылі новыя сферы супрацоўніцтва.

Для даведкі: летась аб'ём узаемнага гандлю Беларусі і Ірана склаў крыху больш чым 33 мільёны долараў і вырас да ўзроўню 2020 года на траціну. Зараз па выніках пяці месяцаў узаемны гандаль ужо прырос на 35 %.