Беларусь і Казахстан плануюць адкрываць новыя сумесныя прадпрыемствы

Аб гэтым заявіў старшыня Савета Рэспублікі Міхаіл Мясніковіч на сустрэчы з парламенцкай дэлегацыяй Казахстана на чале са старшынёй Сената Касым-Жамартам Такаевым. Зараз у Казахстане працуюць 8 сумесных зборачных вытворчасцяў беларускай тэхнікі і абсталявання, аднак гэтага недастаткова.

Тавараабарот паміж Беларуссю і Казахстанам да 2020 года павінен скласці мінімум 1 мільярд долараў. Для дасягнення гэтай мэты задзейнічаюць патэнцыял міжрэгіянальнага супрацоўніцтва, прапрацуюць палажэнні ініцыятывы "Адзін пояс і адзін шлях".