Беларусь і Свярдлоўская вобласць плануюць выйсці на мільярдны рубеж узаемнага тавараабароту

Беларусь і Свярдлоўская вобласць плануюць выйсці на мільярдны рубеж узаемнага тавараабароту, аб гэтым было заяўлена на перамовах прэм'ер-міністра Беларусі Рамана Галоўчанкі з губернатарам гэтага расійскага края Яўгенам Куйвашавым.

Дэлегацыя ўрада Беларусі на чале з Раманам Галоўчанкам 9 ліпеня з рабочым візітам прыбыла ў Екацярынбург. На перамовах было адзначана, што Беларусь традыцыйна ўваходзіць у дзясятку асноўных знешнегандлёвых партнёраў рэгіёна. Вялікае значэнне надаецца экспарту і імпарту якаснай прамысловай прадукцыі, а таксама развіццю вытворчай кааперацыі. Практычнае ўвасабленне ўжо знайшла добрая ідэя, якая нарадзілася на екацярынбургскай зямлі, па стварэнні легкавога двухматорнага самалёта "Асвей".

У Екацярынбургу праходзіць найбуйнейшая спецыялізаваная выстава "ІНАПРАМ". На ёй прадстаўлены 24 беларускія прадпрыемствы. Яны прэзентуюць дасягненні і тэхналагічныя рашэнні ў сферы прамысловай галіны.