Беларусь адкрыла на выставе ў Шанхаі нацыянальны павільён

Наш погляд звернуты на рынак Усходу. Гэтымі днямі эканамічны цэнтр Кітая - Шанхай - стаў сусветнай сталіцай імпарту. Увесь тыдзень тут прэзентуюць тавары, паслугі і тэхналогіі з усёй планеты. Беларусь - сярод 150 краін і міжнародных арганізацый. Сёння наша краіна адкрыла на Expo нацыянальны павільён. Кітай для нас - стратэгічны рынак. Яго экспартныя пазіцыі толькі мацнеюць. Беларусь нарошчвае і пастаўкі тавараў, і экспарт паслуг. Ва ўмовах геапалітычнай турбулентнасці разварот на Усход гарантуе ўстойлівасць нашага знешняга гандлю. Напярэдадні мы ўжо дэталёва распавядалі аб нашай харчовай лінейцы паставак і новых гарызонтах для нашых вытворцаў. Сёння пакажам, чым яшчэ прыцягвае Беларусь кітайскага спажыўца. З Шанхая - Вольга Анішчанка.