Беларусь разлічвае на рост інвестыцыйнай актыўнасці Японіі і павелічэнне тавараабароту

Аб гэтым заявіў віцэ-прэм'ер Ігар Ляшэнка на сустрэчы з дэлегацыяй Японскай асацыяцыі па гандлі. 81,5 млн. долараў узаемнага гандлю - лічбы, далёкія ад патэнцыялу Мінска і Токіа, а аб'ёмы прамых інвестыцый з Краіны ўзыходзячага сонца названыя "крытычна малымі". Замежныя госці адзначылі хуткія тэмпы развіцця ў Беларусі IT-сферы, але дадалі, што ў японскага бізнесу мала інфармацыі аб патэнцыяле беларускай эканомікі. Як адзначылі сёння ва ўрадзе, акцэнт будзе зроблены на павышэнні экспартнага патэнцыялу і пашырэнні кантактаў з японскім бізнесам.