Беларусь - сярод удзельнікаў Міжнароднай выставы імпарту ў Шанхаі

Курс на Усход. Беларусь разлічвае нарасціць сваю прысутнасць на рынках Азіі. Той выпадак, калі жаданне, прадыктаванае санкцыямі і новай геапалітычнай рэальнасцю, супадае з магчымасцямі. Дружалюбных рынкаў становіцца ўсё больш. Кітай - адзін з такіх. Беларусь плануе пашырыць экспартную лінейку ў гэтым кірунку і гатовая паказаць свой патэнцыял. Ужо заўтра ў самым вялікім мегаполісе Кітая - Шанхаі - адчыняецца найбуйнейшая ў краіне выстава імпарту. Наша краіна пакажа нацыянальную экспазіцыю. Што прывезлі нашы вытворцы? І як спадабацца кітайскаму спажыўцу? У Шанхаі ўжо працуе наша здымачная група. Рэпартаж Вольгі Анішчанкі.