БелАЗ з пачатку года адправіў у Казахстан 46 самазвалаў

Беларускую тэхніку чакаюць у Казахстане. БелАЗ з пачатку года туды адправіў 46 самазвалаў. Усяго на кар'ерах па здабычы вугалю, алюмінію або золата ў гэтай краіне працуюць больш за тысячу адзінак тэхнікі, сабранай у Жодзіне. У БелАЗа 80 прадпрыемстваў дзелавых партнёраў з Казахстана, пры гэтым нашы машынабудаўнікі пастаянна заключаюць кантракты з новымі.

Беларускі аўтазавод рыхтуецца адзначыць сваё 70-годдзе. Маштабныя ўрачыстасці з прэзентацыяй ноу-хау пройдуць на БелАЗе 28 і 29 верасня.