Беларускія нафтавікі дасягнулі юбілейнай лічбы

З нетраў зямлі на паверхню паднята 135-мільённая тона чорнага золата. Спецыялісты гавораць: яно самай вышэйшай пробы. Знакавую падзею ўнясуць у летапіс нафтаздабычы нашай краіны, а частка мільённай партыі зойме месца ў музеі "Беларуснафты".

Задача на гэты год па здабычы вуглевадароду - выпампаваць мільён 670 тысяч тон. У распараджэнні нафтавікоў для гэтага - 65 актыўных радовішчаў і 824 свідравіны. Перспектыўны кірунак ва ўсім свеце - распрацоўка свідравін з цяжка вымаемай нафтай. Каб асвоіцца ў ім, нашы нафтавікі распрацавалі спецыяльную методыку здабычы.