Беларускія сенатары разгледзелі каля двух дзясяткаў пытанняў

Агульная маркіроўка тавараў - на адзіным еўразійскім рынку! Сёння беларускія сенатары ратыфікавалі пагадненне, якое было дасягнута прэм'ерамі на апошнім міжурадавым савеце ЕАЭС. Дакумент закліканы спыніць кантрафакт і вывесці з ценю цэлыя сектары гандлю. Гэта стане магчымым дзякуючы адзінай інфармацыйнай сістэме, якая будзе адсочваць тавары ад вытворчасці да прылаўка магазіна. Сёння заканадаўцы вызначаюць, якія тавары трапяць у пілотны пералік маркіроўкі.

Акрамя таго, Савет Рэспублікі прыняў да ўвагі восьмы дэкрэт "Аб развіцці лічбавай эканомікі". А таксама ратыфікавалі пагадненне з Кітаем аб бязвізавым рэжыме. Чакаецца, што наведваць Паднябесную без штампа ў пашпарце беларусы змогуць ужо на працягу найбліжэйшага месяца.