Беларускі аўтапрам пашырыць геаграфію продажаў

Новыя рынкі кіраўніцтва барысаўскага завода «БелДжы» абмеркавала з прэм'ер-міністрам Сяргеем Румасам. У наступным годзе амбіцыйная задача вытворчасці пад Барысавам - не толькі выпусціць, але і прадаць 25 000 машын. Большасць - на экспарт. Сярод магчымых новых партнёраў - Прыбалтыка, Украіна і Малдова. Але захавае лідарства расійскі спажывец. Чакаецца, што мадэльны рад у гэтым месяцы папоўніць новы седан.

Выйсці на поўную магутнасць - як мінімум падвоіць выпуск машын і прыняць на працу новых работнікаў - БелДжы плануе ў наступным годзе.