Беларускі аўтазавод наведалі топ-менеджары 20 кампаній рэгіёна Верхняя Францыя

Францыя зацікаўлена ў пашырэнні дзелавых сувязяў з Беларуссю, асабліва супрацоўніцтва з прадпрыемствамі з рэгіёнаў. Пра гэта сёння заяўлена ў Жодзіне. Беларускі аўтазавод наведалі топ-менеджары 20 кампаній рэгіёна Верхняя Францыя. Прадстаўнікі фінансавых і кансалтынгавых структур азнаёміліся з асаблівасцямі вытворчасці кар'ернай тэхнікі, у тым ліку і самага вялікага ў свеце самазвала грузападымальнасцю 450 тон.

Заўтра ў гасцей з Францыі гісторыка-культурная праграма. У Барысаўскім раёне яны наведаюць месцы, звязаныя з вайной 1812 года.