Больш за сто пагадненняў і кантрактаў падпісана на Форуме рэгіёнаў Беларусі і Расіі ва Уфе

Больш за сто пагадненняў і кантрактаў падпісана на Форуме рэгіёнаў Беларусі і Расіі ва Уфе. Па выніках пасяджэння, якое прайшло пад кіраўніцтвам спікераў Савета Рэспублікі і Савета Федэрацыі, прынятыя выніковыя дакументы.У іх абазначаецца курс на далейшую кааперацыю, тэхналагічны суверэнітэт, стварэнне новых вытворчасцяў. Форум рэгіёнаў захоўвае статус аднаго з найважнейшых саюзных праектаў, унікальных па форме і змесце. Яго маштаб расце, як і колькасць пагадненняў. За тры дні работы форуму прайшло мноства сустрэч і кантактаў. На вялікім пленарным пасяджэнні былі падведзены вынікі.

Наступны, адзінаццаты Форум рэгіёнаў будзе прымаць Беларусь. Сустрэча пройдзе ў Віцебску. Падрыхтоўка ўжо пачалася, бо гэта вялікая і важная падзея для развіцця адносін і наладжвання цесных сувязяў паміж гарадамі і прадпрыемствамі.