Д. Мезенцаў: Дарожныя карты Беларусі і Расіі зараз можна прыраўнаваць да саюзных праграм

Работа над дарожнымі картамі паглыбленай інтэграцыі Беларусі і Расіі ў фармаце Саюзнай дзяржавы перайшла на новы этап. Зараз дарожныя карты можна прыраўнаваць да саюзных праграм. Гэта напярэдадні ў інтэрв'ю журналістам заявіў дзяржсакратар Саюзнай дзяржавы Дзмітрый Мезенцаў. Ён прыняў удзел у сустрэчы кіраўніцтва беларускай Акадэміі навук і Курчатаўскага інстытута. Бакі пацвердзілі гатоўнасць да маштабнага паглыбленага ўзаемадзеяння па стварэнні адзінай навукова-даследчай прасторы.

Напярэдадні ў Акадэміі навук абмеркавалі актуальныя пытанні развіцця беларуска-расійскага навукова-тэхнічнага супрацоўніцтва, а таксама падпісалі дарожную карту. Яна ўключае ў сябе больш за 40 мерапрыемстваў, у тым ліку ў ядзернай энергетыцы, генетычных даследаваннях, ядзернай медыцыне, распрацоўцы беспілотных лятальных апаратаў і іншае.