Дэлегацыя Магаданскай вобласці наведала МАЗ

Дэлегацыя Магаданскай вобласці наведала Мінскі аўтамабільны завод. Гасцей зацікавіла спецтэхніка беларускага вытворцы. Гасцям з Расіі прадэманстравалі сядзельныя цягачы, самазвалы і тэхніку вузкага профілю для выканання пэўнага віду работ. Удалося падпісаць пагадненні на пастаўку партыі беларускіх навінак.

У планах развіваць супрацоўніцтва ў сферы машынабудавання, адкрываць новыя прадстаўніцтвы і дылерскія цэнтры беларускіх брэндаў у Магаданскай вобласці. Нашы машыны змогуць задаволіць попыт у лесанарыхтоўцы, грузавых і пасажырскіх перавозках.