Дэлегацыя Савета дырэктараў ЕБРР сёння наведае Беларусь

Дэлегацыя Савета дырэктараў Еўрапейскага банка рэканструкцыі і развіцця сёння наведае Беларусь. Гэта першы візіт пасля прыняцця новай стратэгіі для Мінска два гады таму. Запланаваны сустрэчы ва ўрадзе, Мінэканомікі і Нацбанку. Галоўнай тэмай стануць рэформы ў беларускай эканоміцы. За апошнія гады Еўрапейскі банк рэканструкцыі і развіцця стаў адным з найбуйнейшых прамых інвестараў Мінска. З 1992 года ён прафінансаваў праекты ў розных сферах на 2 мільярды еўра.