Эксперты МАГАТЭ далі высокую ацэнку бяспекі БелАЭС

Спецыялісты місіі МАГАТЭ адзначылі высокі ўзровень гатоўнасці рэагавання нашай краіны на надзвычайныя сітуацыі на АЭС. Плюс да ўсяго - шэраг практык, якімі карыстаюцца беларускія ратавальнікі, укарэняць у іншых краінах.

Сёння завяршылася місія міжнародных экспертаў у нашай краіне. У рамках маніторынгу камісія праверыла гатоўнасць беларускіх ведамстваў да магчымых аварый на атамнай электрастанцыі і рэагаванню на іх.

Дэлегацыя таксама наведала і практычныя манеўры ратавальнікаў.

Акрамя таго, падчас сустрэчы нашу краіну зарэгістравалі ў сетцы аказання дапамогі МАГАТЭ. Асноўная мэта гэтай арганізацыі - міжнароднае супрацоўніцтва ў выпадку ядзерных або радыёлагічных аварыйных сітуацый. У гэтую структуру ўваходзіць 31 краіна, уключаючы Расію, Кітай, Японію, ЗША, Францыю і Украіну.

Нагадаем, увод у эксплуатацыю першага энергаблока Беларускай АЭС назначаны на наступны год. Другога - на сярэдзіну 2020-га.