Фабрыка па вырошчванні шампіньёнаў у прамысловых маштабах адкрылася ў Шчучыне

Інвестпраект коштам 10 мільёнаў беларускіх рублёў з прыцягненнем прыватнага капіталу быў рэалізаваны ўсяго за год. Меркаваная магутнасць вытворчасці 2 тысячы 200 тон грыбоў за год. Больш як 90% прадукцыі плануецца адпраўляць на экспарт у Расію. Увесь працэс на фабрыцы аўтаматызаваны. Новы комплекс даў райцэнтру каля 100 новых рабочых месцаў.

У планах інвестара пашырыць вытворчасць. Ужо ў наступным годзе аналагічны корпус можа з'явіцца па суседстве, што дазволіць удвая павялічыць магутнасці прадпрыемства і стварыць яшчэ каля сотні рабочых месцаў.