Дзяржзакупкі стануць празрыстымі і канкурэнтнымі

Сёння Палата прадстаўнікоў падтрымала закон у другім чытанні. Ужо ў пятніцу вердыкт па ім вынесуць сенатары. Сёння ва ўсім аб'ёме дзяржзакупак малы бізнес складае амаль 40%. Гэта значыць, што не толькі дзяржпрадпрыемствы маюць доступ да бюджэтных грошай. Новы механізм - ва ўнісон з прававой базай ЕАЭС. Закупы сыходзяць у анлайн. Увесь працэс, як на далоні: ад планавання за год, адбору пераможца да выканання дамовы. Зацверджаны пералік патрабаванняў ад заказчыка. І галоўнае - кошт дадатковым пагадненням змяняць нельга.

Аб навацыях нашага закону сёння гаварылі з трыбуны Сусветнай гандлёвай арганізацыі. У працы камітэта па дзяржзакупках прымае ўдзел беларуская дэлегацыя. І як стала вядома сёння, Беларусь атрымала статус назіральніка ў гэтым камітэце. Мы - першая краіна, якая аформіла такі статус да далучэння да СГА. Гэта крок на шляху да далейшай інтэграцыі Беларусі ў шматбаковую гандлёвую сістэму.

Таксама дамовіліся ў верасні правесці ў Мінску сумесна з сакратарыятам СГА і Еўрапейскім банкам рэканструкцыі і развіцця рэгіянальны семінар па тэме дзяржзакупак.