Індывідуальныя прадпрымальнікі ў Беларусі змогуць самастойна выбіраць рэжым падаткаабкладання

Індывідуальныя прадпрымальнікі ў Беларусі з наступнага года змогуць самастойна выбіраць рэжым падаткаабкладання: агульную сістэму, спрошчаную альбо адзіны падатак. Зараз ідзе праца над абноўленай рэдакцыяй Падатковага кодэкса. Дакумент вынесены на грамадскае абмеркаванне. Асноўная ўвага - паніжэнню фіскальнай нагрузкі на прадпрыемствы, спрашчэнне збірання і вылічэння падаткаў. Змяняюцца падыходы і да запазычанасці плацяжоў. Падатковая не будзе адразу прыпыняць вытворчасць, а дасць шанц з адтэрміноўкай пагасіць даўгі.

Ацэньваць эфектыўнасць падатковых ільгот у Беларусі прапаноўваецца кожныя тры гады. Размова ідзе пра сацыяльныя, сістэмныя і стымулюючыя прэферэнцыі.