Іран мае намер атрымаць статус назіральніка пры ЕАЭС

Іран мае намер атрымаць статус назіральніка пры ЕАЭС. Запыт адобраны на ўзроўні намеснікаў міністраў замежных спраў краін аб'яднання. Канчатковае рашэнне будзе прынята кіраўнікамі дзяржаў - членаў саюза на пасяджэнні Вышэйшага Еўразійскага эканамічнага савета.

Нагадаем, у канцы мінулага года ЕАЭС і Іран падпісалі поўнафарматнае пагадненне аб свабодным гандлі. Яно накіравана на ліквідацыю ўвазных мытных пошлін у дачыненні амаль да 90 % таварнай наменклатуры, на долю якой прыпадае больш за 95 % узаемнага гандлю.

Дзякуючы дакументу аграрыі краін - членаў саюза будуць мець эксклюзіўныя ўмовы для паставак шэрагу тавараў на рынак Ірана.